Մրցանակաբաշխության բացման արարողությունը:
 


"Հայկական ժամանակ" օրաթերթի լրագրող Հայկ Գեւորգյանը ստանում է իր մրցանակը: 



ՀՀ Ազգային ժողովի պատգամավոր Շավարշ Քոչարյանը ստանում է մրցանակ:

2003թ.-ի դեկտեմբերի 10-ին Տեղեկատվության ազատության քաղաքացիական նախաձեռնությունը (Ինֆորմացիայի ազատության կենտրոնը, Քաղաքացիական հասարակության ինստիտուտը եւ Տեղեկատվական իրավունքի ինստիտուտը) հայտարարեցին 2003թ.-ի ՏԱ մրցանակաբաշխության մրցանակակիրներին:

• Լավագույն օրենսդրական նախաձեռնությունը հեղինակելու համար մրցանակ է շնորհվել ԱԺ պատգամավոր Վիկտոր Դալլաքյանին,
• 2003թ. լավագույն օրենսդրական նախաձեռնությանը աջակցելու համար մրցանակներ են շնորհվել ԱԺ պատգամավորներ Հրանուշ Հակոբյանին, Ռաֆիկ Պետրոսյանին եւ Շավարշ Քոչարյանին “Տեղեկատվության ազատության մասին” ՀՀ օրենքի ընդունմանն աջակցելու համար,
• Տեղեկություն ստանալու իրավունքը լավագույնս կիրառած քաղաքացի է ճանաչվել “Ինֆորմացիայի ազատության կենտրոն” դիմած քաղաքացի Էմմա Խնկոյանը,
• Տեղեկություն ստանալու իրավունքը լավագույնս կիրառած հասարակական կազմակերպություն է ճանաչվել Հետաքննող լրագրողների ընկերակցությունը,
• Տեղեկատվության ազատությանն առնչվող մամուլի լավագույն հրապարակում է ճանաչվել “Հայկական ժամանակ” օրաթերթի լրագրող Հայկ Գեւորգյանի “ԱԶԱՏ, ԳԱՂՏՆԻ, ԹԱՓԱՆՑԻԿ” նյութը, 
• Տեղեկատվության ազատության տեսանկյունից լավագույն ինտերնետային էջ է ճանաչվել ՀՀ Ազգային ժողովի ինտերնետային էջը` www.parliament.am,
• Ամենաթափանցիկ պետական գերատեսչություն է ճանաչվել ՀՀ սոցիալական ապահովության նախարարությունը,
  
  Հայաստանի Հանրապետության ամենափակ գերատեսչությունը նոմինացիայում մրցանակ չի շնորհվել, քանի որ մրցանակաբաշխությունն անցկացվում է առաջին անգամ:

Արդյունքները որոշել է 7 հոգուց բաղկացած ժյուրին, որի անդամները ներկայացնում են հասարակական կազմակերպություններ եւ ՀՀ-ում գործող միջազգային կազմակերպություններ: