ՏԱ ԱՄԵՆԱՄՅԱ ՄՐՑԱՆԱԿԱԲԱՇԽՈՒԹՅՈՒՆ
.jpg)
2003թ.-ից ի վեր ՏԱ մասին ՀՀ օրենքի ընդունումից հետո Ինֆորմացիայի ազատության կենտրոնը գործընկեր ՀԿ-ների հետ համատեղ նախաձեռնել է ՏԱ ամենամյա մրցանակաբաշխություն, որի ընթացքում մրցանակներ են շնորհվում հետեւյալ նոմինացիաներում.
Դրական մրցանակներ
- Ամենաբաց գերատեսչություն, որը լավագույնս է կիրառում “Տեղեկատվության ազատության մասին” ՀՀ օրենքը
- Տեղեկություն ստանալու իրավունքը ամենաակտիվ օգտագործած քաղաքացի
- Տեղեկություն ստանալու իրավունքը ամենաակտիվ եւ լավագույնս կիրառած հասարակական կազմակերպություն
- Տեղեկատվության ազատությանն առնչվող խնդիրները հետեւողական լուսաբանած եւ “Տեղեկատվության ազատության մասին” ՀՀ օրենքն ամենաակտիվ օգտագործող լրագրող
Բացասական մրցանակներ
- ՀՀ ամենափակ գերատեսչություն, որն ամենավատն է կատարում “Տեղեկատվության ազատության մասին” ՀՀ օրենքի պահանջները:
- Ամենազավեշտալի պաշտոնական պատասխանի հեղինակ-գերատեսչություն:
Մրցանակակիրներին որոշում է տեղական եւ միջազգային կազմակերպությունների ներկայացուցիչներից, լրագրողներից, ոլորտի փորձագետներից կազմված անկախ ժյուրին: Ժյուրիի անդամներն ամփոփում են իրենց եւ ԻԱ կենտրոնի մոնիտորինգների արդյունքները, քննարկում են նաեւ կենտրոնի եռամսյակային Սեւ ցուցակները, որում ընդգրկվում են տեղեկություն ստանալու իրավունքը խախտած պաշտոնյաներն ու գերատեսչությունները:
Դրական մրցանակակիրներին հանձնվում են ոսկե բանալիներ` որպես հրապարակայնության խորհրդանիշ, իսկ բացասական մրցանակակիրներին` կողպեքներ` որպես գաղտնիության խորհրդանիշ:
