• Շիրակի մարզի Ազատան գյուղապետարանին` որպես 2009թ. ամենահրապարակային գործող մարմին,
• ՀՀ Տարածքային կառավարման նախարարությանը` որպես 2009թ. Էլեկտրոնային փաստաթղթաշրջանառության համակարգը լավագույնս գործարկող գերատեսչություն,
• “Հույսի կամուրջ” ՀԿ-ին` որպես 2009թ. տեղեկություն ստանալու իրավունքն ամենաակտիվ օգտագործած հասարակական կազմակերպություն,
• Գրիշա Բալասանյանին`որպես 2009թ. տեղեկատվության ազատության հիմնահարցերն ամենաակտիվ լուսաբանած լրագրող,
• Արմեն Գալստյանին` որպես 2009թ. տեղեկություն ստանալու իրավունքն ամենաակտիվ օգտագործած քաղաքացի:
• Հատուկ մրցանակ ՀՀ Վարչական դատարանի դատավոր Արթուր Պողոսյանին` որպես տեղեկատվության ազատության խախտված իրավունքը վերականգնած դատավոր։

2009թ.-ին Ժանգոտ կողպեք տրվեց հետեւյալ անվանակարգում.

• “Երեւանի կառուցապատման եւ ներդրումային ծրագրերի գրասենյակ” ՊՈԱԿ-ին` որպես “Տեղեկատվության ազատության մասին” ՀՀ օրենքով սահմանված պարտավորությունները չկատարող մարմին:

“Ոսկե բանալի եւ ժանգոտ կողպեք մրցանակներն իսկապես ունենում են դրական ներգործություն,- ասում է ԻԱԿ նախագահ Շուշան Դոյդոյանը,- Այսօր արդեն գրեթե բոլոր պետական մարմինները շահագրգռված են բարեփոխել իրենց աշխատաոճը եւ առավել հրապարակային գործել դրական մրցանակի արժանանալու համար, իսկ կողպեքի արժանացածները լրջորեն վերանայում են իրենց գործունեությունը”։

Մրցանակաբաշխության արդյունքները որոշել է Տեղեկատվության ազատության ոլորտում գործող 9 հասարակական կազմակերպությունների ներկայացուցիչներից բաղկացած անկախ ժյուրիի կազմը: Հրապարակային եւ փակ գերատեսչություններն ընտրվել են հետեւյալ չափանիշները հաշվի առնելով.

- Տեղեկատվության ազատության մասին ՀՀ օրենքի պահանջների կատարում:
- Տեղեկություն ստանալու հարցումներին պատշաճ ձեւով ընթացք տալ (գրանցել, օրենքով սահմանված ժամկետում պատասխանել):
- Պարբերաբար հրապարակել օրենքով պարտադիր հրապարակման ենթակա տեղեկությունները` համաձայն ՏԱ օրենքի (բյուջեն, որոշումները, բյուջեի կատարման հաշվետվությունները, ավագանու նիստերի մասին տեղեկատվություն, եւ այլն):
- ԶԼՄ-ների հետ համագործակցություն` հանրությանը ժամանակին եւ ամբողջական տեղեկատվություն տրամադրելու նպատակով:

Մրցանակաբաշխությունը կազմակերպվել է Ինֆորմացիայի ազատության կենտրոնի կողմից` ԱՄՆ Միջազգային զարգացման գործակալության աջակցությամբ։