 |
|
|||||
|
ԻԱԿ-ն ընդդեմ “Թիվ 2 բուժմիավորում” ՓԲԸ-ի
2009-Հոկտեմբեր-18 10.06.2009թ.-ին “Ինֆորմացիայի ազատության կենտրոն” ՀԿ-ն դիմեց “Թիվ 2 բուժմիավորում” ՓԲԸ-ին` խնդրելով տրամադրել հետեւյալ տեղեկությունները.
1. Թիվ 2 բուժմիավորման մանկական պոլիկլինիկայում մինչեւ 7 տարեկան երեխաներին տրամադրվող դեղերի հատկացման կարգը: 2. Առկա անվճար տրամադրվող դեղերի ցուցակի պատճե: 3. Նաեւ տեղեկացնել, որ եթե երեխան հիվանդ է եւ բուժման համար անհրաժեշտ դեղորայքը ներառված չէ վերոնշյալ ցուցակում, ապա կա՞ այլ տարբերակ` մինչեւ 7 տարեկան երեխային անվճար տրամադրելու այդ դեղը: 4. Ինչպե՞ս եւ տրամադրեք խնդրեմ տարբերակ, թե ինչ անի ծնողը, եթե անվճար տրամադրվող դեղերի ցուցակում կա դեղ, որի կարիքն ունի հիվանդ երեխան, եւ այն բժշկի կողմից չի տրամադրվում: “Թիվ 2 բուժմիավորում” ՓԲԸ -ն ԻԱԿ-ի հարցմանը որեւէ պատասխան չի տվել: Ուստի, ԻԱԿ-ը հայց ներկայացրեց Կենտրոն եւ Նորք Մարաշ վարչական շրջանների ընդհանուր իրավասության դատարան` խնդրելով “Թիվ 2 բուժմիավորում” ՓԲԸ-ին պարտավորեցնել տրամադրել պահանջված տեղեկությունը եւ “Թիվ 2 բուժմիավորում” ՓԲԸ-ի գլխավոր տնօրեն Տիգրան Խաչատրյանին ենթարկել վարչական պատասխանատվության` տուգանքի` 50.000 դրամի չափով: 2009թ.-ի դեկտեմբերի 2-ին Կենտրոն եւ Նորք-Մարաշ համայնքների առաջին ատյանի դատարանում տեղի ունեցավ Ինֆորմացիայի ազատության կենտրոնն ընդդեմ “Թիվ 2 բուժմիավորում” ՓԲԸ-ի գործով նախնական դատական նիստը: Նիստի ժամանակ ԻԱԿ ներկայացուցիչ Կարեն Մեժլումյանը պնդեց հայցը, իսկ պատասխանող կողմի ներկայացուցիչը հրաժարվեց ընդունել այն: “Թիվ 2 բուժմիավորում” ԲԲԸ-ն դատարանին ներկայացրեց հայցադիմումի պատասխան: Դատական նիստը հետաձգվեց, որպեսզի դատարանը եւ Ինֆորմացիայի ազատության կենտրոնը կարողանան ծանոթանալ հայցադիմումի պատասխանին: 27.01.2010թ.-ին Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Է. Ավետիսյանի նախագահությամբ տեղի ունեցավ “Ինֆորմացիայի ազատության կենտրոն” ՀԿ-ն ընդդեմ “Թիվ 2 բուժմիավորում” պոլիկլինիկա” ՓԲԸ-ի դատական գործով հերթական դատական նիստը: ԻԱԿ ներկայացուցիչ Կարեն Մեժլումյանը ներկայացրեց եւ պնդեց հայցը, իսկ պատասխանողի ներկայացուցիչը առարկեց հայցի դեմ` գտնելով, որ այն ենթակա է մերժման: 2010 թվականի ապրիլի 27-ին Կենտրոն եւ Նորք Մարաշ վարչական շրջանների ընդհանուր իրավասության դատարանը հրապարակեց Ինֆորմացիայի ազատության կենտրոնն ընդդեմ “Թիվ 2 բուժմիավորում” ՓԲԸ-ի գործով վճիռը: 2009 թվականի դեկտեմբերի 2-ին սկսված դատավարության ընթացքում “Թիվ 2 բուժմիավորում” ՓԲԸ-ն տրամադրեց ԻԱԿ-ի հարցման պատասխանը: Իսկ ԻԱԿ-ի երկրորդ պահանջը “Թիվ 2 բուժմիավորում” ՓԲԸ-ի տնօրեն Տիգրան Խաչատրյանին վարչական պատասխանատվության ենթարկելու մասին դատարանը մերժեց: Հայցադիմումին կարող եք ծանոթանալ այստեղ Վճռին կարող եք ծանոթանալ այստեղ < վերադառնալ |
