Ինֆորմացիայի ազատության կենտրոն

հայերեն | english

Ծրագրեր

«Իրազեկ Հայաստան» ծրագիր

Ծրագիրը նպատակ ունի ապահովել, որպեսզի լրագրողները և քաղաքացիական հասարակության կազմակերպությունները ստեղծեն և տարածեն մատչելի տեղեկություններ և հոդվածներ, ինչպես նաև նպաստեն Հայաստանում բյուջետային միջոցների բաշխման և ծախսման վերաբերյալ իրական հանրային քննարկմանը: Իրականացնող գործընկերներ՝ Ինֆորմացիայի ազատության կենտրոն հասարակական կազմակերպություն, Մաաստրիխտի Եվրոպական լրագրության կենտրոն: Ծրագիրը համաֆինանսավորվում է ԵՄ-ի կողմից: Տևողությունը՝ 18/05/2018 - 18/12/2019 

Ենթադրամաշնորհային ծրագիր # 10

05.04.2019

Ենթադրամաշնորհառու կազմակերպությունը՝ «Ժողովրդավարության և իրավունքի կենտրոն» հասարակական կազմակերպություն

Ենթադրամաշնորհային Ծրագրի անվանումը՝ Էլեկտրոնային արդարադատության հարթակների ու պետական ծառայությունների մատուցման գրասենյակների ծառայությունների մոնիտորինգ

Ամփոփ նկարագիր՝
Նախատեսվում է իրականացնել էլեկտրոնային արդարադատության հարթակների(www.e-draft.am և www.e-request.am) և սպասարկման գրասենյակների միջոցով ծառայությունների մատուցման մշտադիտարկում, այդ ծառայություններից օգտվողների հետ ֆոկուս խմբային քննարկումներ, ՀՀ արդարադատության նախարարության ներկայացուցիչների հետ համատեղ աշխատանքի միջոցով խորհրդատվական փաստաթղթերի մշակում ի նպաստ այդ գործիքակազմի կիրառման արդյունավետության բարձրացմանը, իրազեկմանն ու կիրառման խոչընդոտների վերացմանը: Այդ նպատակով հարցումներ և հարցազրույցներ են իրականացվելու Երևանում և մարզերում՝ պարզելու էլ. հարթակներից և սպասարկման գրասենյակներից օգտվելու արդյունավետությունը և առկա խոչընդոտող գործոնները: Հարցվողների և հարցազրույց տվողների շրջանակում լինելու են այն անձինք, ովքեր ստանում են վերը նշված ծառայությունները, դրանք մատուցող պետական մարմիններն ու դաշտային(ոլորտային) փորձագետները: Արդյունքում, շահագրգիռ կողմերին ուղղված խորհրդատվական փաստաթուղթ կմշակվի Արդարադատության նախարարության հետ համատեղ քննարկումների հիման վրա`մոնիտորինգի, հարցումների, հարցազրույցների եւ ֆոկուս-խմբային քննարկումների տվյալների վերլուծության եւ ամփոփման եզրակացությունների հիման վրա:

Գործողությունների ամփոփ նկարագիր՝
Էլ. հարթակների (www.e-draft.am և www.e-request.am) մոնիթորինգ, սպասարկման գրասենյակների գործառույթներ իրականացնող օպերատորների տրամադրած ծառայությունների մոնիթորինգ, հարցազրույցներ, հարցումներ, երկու հատ հանդիպում-քննարկում (ֆոկուս-խմբային) թիրախային խմբերի մասնակցությամբ, չորս հատ խորհրդատվական հանդիպումներ Արդարադատության նախարարության(ԱՆ) և շահագրգիռ կողմերի մասնակցությամբ, ծրագրի բոլոր բաղադրիչների հանրայնացում և լուսաբանում:

← Վերադառնալ ցուցակին