Ինֆորմացիայի ազատության կենտրոն

հայերեն | english

Ծրագրեր

«Իրազեկ Հայաստան» ծրագիր

Ծրագիրը նպատակ ունի ապահովել, որպեսզի լրագրողները և քաղաքացիական հասարակության կազմակերպությունները ստեղծեն և տարածեն մատչելի տեղեկություններ և հոդվածներ, ինչպես նաև նպաստեն Հայաստանում բյուջետային միջոցների բաշխման և ծախսման վերաբերյալ իրական հանրային քննարկմանը: Իրականացնող գործընկերներ՝ Ինֆորմացիայի ազատության կենտրոն հասարակական կազմակերպություն, Մաաստրիխտի Եվրոպական լրագրության կենտրոն: Ծրագիրը համաֆինանսավորվում է ԵՄ-ի կողմից: Տևողությունը՝ 18/05/2018 - 18/12/2019 

Ենթադրամաշնորհային ծրագիր #1

05.04.2019

Ենթադրամաշնորհառու կազմակերպությունը՝ «ԱԼՏ» հեռուստախմբագրություն» ՍՊԸ

Ենթադրամաշնորհային Ծրագրի անվանումը՝ Ոռոգման համակարգի առողջացման աշխատանքների հսկողություն և հանրայնացում

Ամփոփ նկարագիր՝
Ոռոգման համակարգի առողջացում, ըստ իշխանությունների մեկնաբանության, նշանակում է ոռոգման ջրի կորուստների և սակագների նվազեցում, հասանելիության ապահովում: Այս նպատակների համար ամեն տարի ծախսվում են տասնյակ միլիարդավոր դրամներ, սակայն ճիշտ հակառակ գործընթացն է տեղի ունենում. կորուստներն ավելանում են, սակագները բարձրանում, ոռոգման ջրի դեֆիցիտը՝ գնալով խորանում: Կատարված ծախսերի և ստեղծված իրավիճակի համադրումը հուշում է, որ բնագավառում ինչ-որ բան այն չէ և անհրաժեշտ է հասարակական հսկողություն սահմանելու միջոցով հասկանալ բնագավառում տիրող իրավիճակը:
Այդ նպատակով նախատեսվում է մշտադիտարկում իրականացնել ոռոգման համակարգում ծախսվող միջոցների և կատարվող աշխատանքների գործընթացի նկատմամբ: Կկազմակերպվի 4 քննարկում՝ կապալառու, ՏԻՄ և ջրօգտագործող կազմակերպությունների հետ, կպատրաստվի 2 ռեպորտաժ՝ ծրագրի միջնամասում և վերջնական արդյունքներն ամփոփելիս:
Արդյունքում ոռոգման համակարգի առողջացմանն ուղղված միջոցները կծախսվեն նպատակային և արդյունավետ, որն իր հերթին կմեղմի բնագավառի խնդիրները:
Ծրագրի շահառուներն են՝ Արմավիրի մարզի բոլոր գյուղացիական տնտեսությունները և ՏԻՄ մարմինները:
Թիրախային խմբերն են՝ ՀՀ ջրային կոմիտեն, ջրօգտագործող և կապալառու կազմակերպությունները:

Գործողությունների ամփոփ նկարագիր՝
1. 2019թ. պետական բյուջեով նախատեսված 16,9 միլիարդ ոռոգման համակարգի առողջացմանն ուղղված գումարների հասցեականության ուսումնասիրություն
2. Հանդիպում կապալառու կառույցների և ՏԻՄ մարմինների հետ:
2.1. Հեռուստաքննարկում «Արմավիր» ջրօգտագործողների ընկերության և սպասարկման տարածքի ՏԻՄ ներկայացուցիչների հետ:
2.2. Քննարկում «Էջմիածին» ջրօգտագործողների ընկերության և սպասարկման տարածքի ՏԻՄ ներկայացուցիչների հետ:
2.3. Հեռուստաքննարկում «Բաղրամյան» ջրօգտագործողների ընկերության և սպասարկման տարածքի ՏԻՄ ներկայացուցիչների հետ:
3. Նախատեսվող աշխատանքների աշխարհագրության և ծախսվող միջոցների վերաբերյալ ռեպորտաժի պատրաստում:
3.1. Մինչև 5 րոպե տևողությամբ աուդիո-վիզուալ ռեպորտաժի պատրաստում և ցուցադրում «ԱԼՏ» ՀԸ եթերում: 
4. Մշտադիտարկում կատարված աշխատանքների և ծախսվող միջոցների նկատմամբ:
5. Հանդիպում պետական կառավարման, տեղական ինքնակառավարման և կապալառու կազմակերպությունների հետ:
6. Կատարված աշխատանքների և ծախսված միջոցների գնահատման վերաբերյալ ռեպորտաժի պատրաստում:

 

← Վերադառնալ ցուցակին