Ինֆորմացիայի ազատության կենտրոն

հայերեն | english

Հաջողված Պատմություններ

14.03.2013 - Հաջողված պատմություն 17

ԻԱԿ-ի նախաձեռնած դատական գործի շնորհիվ 2013թ.-ի փետրվարի 19-ին կայացրած վճռով “Դուստր Մարիաննա” ընկերության տնօրեն Տիգրան Վարդանյանը տեղեկություն չտրամադրելու համար ենթարկվեց վարչական պատասխանատվության` տուգանքի` 80.000 ՀՀ դրամի չափով (30.000 ՀՀ դրամ ԻԱԿ-ի առաջին հարցմամբ և 50.000 ՀՀ դրամ ԻԱԿ-ի կրկնակի հարցմամբ խնդրվող տեղեկությունները չտրամադրելու համար)։

25.12.2012 - Հաջողված պատմություն 16

Հայաստանի դեմոկրատական կուսակցությունը պարտավորվեց Ինֆորմացիայի ազատության կենտրոնին տրամադրել նախընտրական քարոզարշավի ֆինանսավորման մասին տեղեկատվություն և փոխհատուցել 100.000 ՀՀ դրամ կազմող դատական ծախսերը՝ պետտուրքը և փաստաբանին վճարված գումարը՝ համաձայն 2012թ. դեկտեմբերի 21-ին Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի վճռով (դատավոր՝ Արայիկ Մելքումյան):

20.12.2012 - Հաջողված պատմություն 15

Ինֆորմացիայի ազատության կենտրոնի հետևողական ջանքերի շնորհիվ ՀՀ էկոնոմիկայի նախարարության պաշտոնական ինտերնետային կայքի Շուկայի վերահսկողության պետական տեսչության բաժնում (www.mineconomy.am) տեղադրվեցին տվյալ ծառայության կողմից իրականացված ստուգումների արդյունքները:

14.12.2012 - Հաջողված պատմություն 14

Տեղեկատվությունը թաքցնելու համար “Երեւանի կառուցապատման եւ ներդրումային ծրագրերի իրականացման գրասենյակ” ՊՈԱԿ-ը համառ պայքարեց 3 տարի` դատական բողոքարկումների վրա վատնելով պետական ռեսուրսները եւ ի վերջո պարտվեց:

13.12.2012 - Հաջողված պատմություն 13

ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի վճռով “Բնապահպանական ծրագրերի իրականացման գրասենյակ” պետական հիմնարկը պարտավորվեց Ինֆորմացիայի ազատության կենտրոնին տրամադրել պարգևավճարների մասին պահանջած ողջ տեղեկատվությունը և փոխհատուցել դատական ծախսերը՝ պետտուրքը և փաստաբանին վճարված ծախսերը` 63.500 ՀՀ դրամի չափով: Այսպիսով, տեղեկատվության ազատության դատական պրակտիկան համալրվեց ևս մեկ դրական նախադեպով:

16.11.2012 - Հաջողված պատմություն 12

Այսօր արդեն արձանագրում ենք, որ պետական մեկ տասնյակից ավելի կառույցների պաշտոնական ինտերնետային կայքերում տեղադրված է ԻԱԿ-ի մշակած հարցման օրինակելի ձևը (http://foi.am/hy/information-request-form/), օրինակ՝ www.president.am, www.gov.am, www.police.am, www.mta.gov.am, ՀՀ 10 մարզպետարանների պաշտոնական կայքերում և այլն։