Ինֆորմացիայի ազատության կենտրոն

հայերեն | english

Ռազմավարական դատավարություն

Դատական գործեր

25.09.2019 - 57. ԻԱԿ-ն ընդդեմ «Դատաբժշկական գիտագործնական կենտրոն» ՊՈԱԿ-ի

«Ինֆորմացիայի ազատության կենտրոն» հասարակական կազմակերպությունը 2019 թվականի օգոստոսի 5-ին խնդրել էր ԱՏՊ գործակալությանը ստուգել «Դատաբժշկական գիտագործնական կենտրոն» ՊՈԱԿ-ի կողմից ՀՀ առողջապահության նախարարության դատաբժշկական գիտագործնական կենտրոնի Շիրակի մարզի դատաբժշկական փորձաքննությունների բաժնի 2014 չորրորդ եռամսյակի (հոկտեմբերի 1-ից-դեկտեմբերի 31-ը) հաստիքացուցակը և այդ հաստիքներում ներգրավված (աշխատող) անձանց անվանացանկը հրապարակելու (հարցման հիման վրա տրամադրելու) դեպքում անձնական տվյալների մշակման համապատասխանությունն «Անձնական տվյալների պաշտպանության մասին» Հայաստանի Հանրապետության օրենքի պահանջներին:

04.04.2019 - 56. ԻԱԿ-ն ընդդեմ Երևանի քաղաքապետարանի

«Ինֆորմացիայի ազատության կենտրոն» հասարակական կազմակերպությունը խնդրել էր ԱՏՊ գործակալությանը պարզել՝ արդյոք 2018 թ.-ի սեպտեմբերից դեկտեմբեր ընկած ժամանակահատվածում Երևանի քաղաքապետարանի կողմից պարգևատրված աշխատակիցների ցանկը՝ նշելով յուրաքանչյուրին տրված պարգևավճարի չափը հրապարակելը հակասում է «Անձնական տվյալների պաշտպանության մասին» ՀՀ օրենքով սահմանված՝ անձնական տվյալների մշակման սկզբունքներին:

27.02.2019 - 55. ԻԱԿ-ն ընդդեմ Dasaran.am կայքի

«Ինֆորմացիայի ազատության կենտրոն» հասարակական կազմակերպությունը 2018 թվականի նոյեմեբերի 30-ին դիմել էր ԱՏՊ գործակալություն՝ խնդրելով ուսումնասիրել www.dasaran.am-ի կողմից երեխաների անձնական տվյալների մշակման խնդրը։ Կազմակերպությունը խնդրահարույց էր համարել այն, որ www.dasaran.am կայքն ըստ էության մշակում է ՀՀ բոլոր դպրոցական անչափահասների անձնական բազմատեսակ տվյալներ, սակայն հայտնի չեն դրանց մշակման շրջանակները, իսկ դրանց հետ կատարվող գործողությունների վերաբերյալ որոշ տեղեկություններ անձնական տվյալների մշակման ոչ օրինական կամ ոչ համաչափ լինելու կասկածներ են հարուցում, օրինակ, անձնական տվյալներն այլ անձանց փոխանցելը կամ վանչնական տվյալներն առեւտրային նպատակներով օգտագործելը՝ վաճառելը:

13.09.2017 - 54. ԻԱԿ-ն ընդդեմ ՀՀ մարզկենտրոնների

2017 թվականի հուլիսի 21-ին Ինֆորմացիայի ազատության կենտրոնը դիմել է ՀՀ վարչական դատարան՝ ընդդեմ ՀՀ մարզկենտրոնների՝ քաղաքապետարանների անգործությունը ոչ իրավաչափ ճանաչելու եւ տեղեկատվություն հրապարակելուն պարտավորեցնելու պահանջների մասին հայցով:

11.10.2016 - 53. ԻԱԿ-ն ընդդեմ Հայաստանի ազգային օլիմպիական կոմիտեի

2016թ.-ի հոկտեմբերի 7-ին ԻԱԿ-ը դիմել է ՀՀ վարչական դատարան՝ Հայաստանի ազգային օլիմպիական կոմիտեի անգործությունը, ոչ իրավաչափ ճանաչելու եւ կոմիտեի նախագահին վարչական պատասխանատվության ենթարկելու պահանջով:

03.10.2016 - 52. ԻԱԿ-ն ընդդեմ ՀՀ Ճանապարհային ոստիկանության

2015թ.-ի հունիսի 26-ին ԻԱԿ-ը դիմել է ՀՀ վարչական դատարան` ՀՀ ոստիկանության Ճանապարհային ոստիկանություն ծառայության անգործությունը (գործողությունը) ոչ իրավաչափ ճանաչելու եւ տեղեկատվություն տրամադրելուն պարտավորեցնելու պահանջների մասին հայցով: