Ինֆորմացիայի ազատության կենտրոն

հայերեն | english

Նորություններ և իրադարձություններ

16.10.2020 Դիմում ենք Հայաստանում ՄԱԿ-ի գրասենյակին` գործելու իր մանդատին համահունչ

|Շուրջ 1000 հասարակական կազմակերպություն ու ակտիվիստ հայտարարություն են ուղղել Հայաստանում ՄԱԿ-ի գրասենյակին՝ պահանջելով ակտիվ դիրքորոշում ունենալ Արցախում պատերազմը դադարեցնելու, հակամարտությունը բանակցությունների միջոցով լուծելու եւ տարածաշրջանում հումանիտար ճգնաժամը կանխելու հարցում:

09.10.2020 Հայտարարություն

Երեկ՝ հոկտեմբերի 8-ին, Արցախում կրկին լրագրողներ են վիրավորվել՝ ռուսաստանյան «Сегодня.ру» կայքի գլխավոր խմբագիր Յուրի Կոտենոկը և «Офицеры России» կայքի ու «Красная звезда» թերթի թղթակից Լևոն Արզանովը։ Ինչպես և նախորդ օրերին, երբ դարձյալ վիրավորվել էին պատերազմը լուսաբանող լրագրողներ, այս անգամ ևս դեպքը տեղի է ունեցել խաղաղ բնակավայրում՝ Շուշի քաղաքում։

04.10.2020 Հայտարարություն ԶԼՄ-ների անվտանգության մասին

Վերջին օրերին Լեռնային Ղարաբաղում ահագնացել են պատերազմական գործողությունները։ Մի շարք լրագրողական հասարակական կազմակերպություններ հայտարարություն են տարածել, որով միջազգային կառույցների և արտասահմանցի բոլոր գործընկերների ուշադրությունն են հրավիրում Ադրբեջանի կողմից լրագրողների դեմ ուղղված ոտնձգությունների վրա և կոչ են անում բողոքի ձայն բարձրացնել և գործնական քայլեր ձեռնարկել այդ գործողություններին հակազդելու համար։ Հայտարարությանը միացել է նաև Ինֆորմացիայի ազատության կենտրոնը։

03.10.2020 Հավաստի տեղեկատվական աղբյուրներ. Հայ-ադրբեջանական պատերազմ

Կայքում ամփոփված են պաշտոնական եւ ոչ պաշտոնական աղբյուրների հղումներ, որոնցում կարող եք հավաստի տեղեկատվություն ստանալ հայ-ադրբեջանական հակամարտության մասին

01.10.2020 ՀԱՅՏԱՐԱՐՈՒԹՅՈՒՆ

Մի շարք լրագրողական և իրավապաշտպան հասարակական կազմակերպություններ հոկտեմբերի 1-ին հայտարարություն են տարածել, որով դատապարտել են Արցախի Մարտունի քաղաքում Ադրբեջանի կողմից տեղացի և օտարերկրյա լրագրողների հրետակոծության փաստն ու կոչ արել ՀՀ և Արցախի Հանրապետության իշխանություններին՝ լրացուցիչ քայլեր ձեռնարկել լրագրողների անվտանգությունն ապահովելու համար։ Հայտարարությանը միացել է նաև Ինֆորմացիայի ազատության կենտրոնը։

22.09.2020 Վեբինար «Տեղեկատվության մատչելիություն, թափանցիկություն, հասանելիություն. ճգնաժամային իրավիճակում առաջ մղելով 2030-ի օրակարգը»

Ինֆորմացիայի ազատության կենտրոնը միացել է Access Info Europe-ին, ՅՈՒՆԵՍԿՕ-ին և քաղհասարակության այլ կազմակերպություններին` միասին նշելու Տեղեկատվության ազատության միջազգային օր - 2020-ը: «Տեղեկատվության մատչելիություն, թափանցիկություն, հասանելիություն. ճգնաժամային իրավիճակում առաջ մղելով 2030-ի օրակարգը» վեբինարի բանախոսներից է նաև Ինֆորմացիայի ազատության կենտրոնի նախագահ Շուշան Դոյդոյանը, ով կներկայացնի համավարակով պայմանավորված ճգնաժամային իրավիճակում ՀՀ պետական կառավարման մարմինների փորձառությունը տեղեկատվության մատչելիության հարցում: